Namaste
Í rúma tvo áratugi hafa gestir Austur-Indíafjelagsins notið ekta indversks matar í hlýlegu og notalegu umhverfi. Á tuttugasta afmælisárinu tók staðurinn algjörum stakkaskiptum m.a. með glæsilegum bar og rými fyrir einkasamkvæmi. Sem fyrr er það besta úr indverskri matargerð á boðstólum. Verið velkomin í nýtt og stórglæsilegt Austur-Indíafjelag.
“This Indian restaurant is so good, it would make more than one starred European chef grow green with envy.”
“An upmarket experience with a minimalist interior and a select choice of sublime dishes (a favourite is the Tandoori salmon) one of its finest features though is its lack of pretension - the atmosphere is relaxed and the service warm.”
“Austur-Indíafjelagið has been serving genuine Indian food with the same high standard for over twenty years and is regarded as somewhat of a hidden gem.”
Árið 1994 ákváðum við að nýta reynslu okkar úr veitingahúsarekstri og brennandi áhuga á matargerð og færa dásemdir indverska eldhússins til Íslendinga. Markmið okkar var í senn einfalt og einstætt: Að blanda saman fersku og framandi kryddi Indlands við besta fáanlegt íslenskt hráefni og bera það á borð af alúð í vingjarnlegu og þægilegu veitingahúsi.
Áskorunin sem beið okkar var mun meiri en við höfðum gert okkur grein fyrir. Innflutningur á kryddi var til dæmis ekki auðveldur og hvað þá að útvega atvinnuleyfi fyrir indverskt fagfólk sem við þurftum á að halda. Með þrautseigju og einlægum ásetningi tókst þetta og við fengum loks fyrsta matreiðslumeistarann okkar frá Suður-Indlandi. Okkur óx síðan ásmegin, þökk sé góðu umtali, og veitingahúsarýnar fóru að veita þessu nýja og framandi veitingahúsi athygli.
Austur-Indíafjelagið varð fljótt og örugglega reglubundinn áfangastaður matgæðinga og hefur æ síðan verið samnefnari þess besta úr indverskri matarhefð á Íslandi. Þar liggja rætur velgengninnar sem staðurinn hefur notið.
Á vormánuðum 2014 var síðan skráður nýr kafli í sögu Austur-Indíafjelagsins með stækkun og endurgerð. Þá urðu metnaðarfull kaflaskipti eftir 20 happasæl ár hjá Austur-Indíafjelaginu.
Með þakklæti og vinarkveðjum,
Chandrika og Gunnar Gunnarsson
„Falinn gimsteinn“
Í hjarta Reykjavíkur
„Falinn gimsteinn“
Í hjarta Reykjavíkur
Hverfisgata 56 hefur verið heimili Austur-Indíafjelagsins allt frá stofnum árið 1994. Lengst af lá Hverfisgata í skugga Laugavegar, en í dag blómstrar hún sem aldrei fyrr. Handan bláu hurðarinnar við suðurhlið götunnar býr heimur Austur-Indíafjelagsins, sem gagnrýnendur hafa kallað „falinn gimstein“.
Panta borð
Vinsamlegast hafið samband í gegnum síma eða með tölvupósti til að panta borð. Æskilegt er að panta borð samdægurs símleiðis.
552 1630
austurindia@austurindia.is
