Veisluþjónusta

Veisluþjónusta okkar er fjölbreytt og reynsla Austur-Indíafjelagsins er mikil. Við höfum galdrað fram mat fyrir jafnt litla hópa og upp í stóra opinbera veislu Indlandsforseta sem haldin var fyrir íslenska stjórnmálaleiðtoga og fólk úr atvinnulífinu. Á hverju ári önnumst við margs konar veislur, s.s. brúðkaup, afmæli, útskriftir, fyrirtækjaveislur og fleira.

Við sinnum jafnt flóknum veislum sem einföldum. Veitingar eru allt frá léttum veitingum í kokteilpartýi og upp í margrétta borðhald.

Við getum uppfyllt óskir þínar um hvers konar þjónustu. Allt eftir því hvað við á. Það er hægt að sækja matinn til okkar, fá matreiðslumeistara og þjónustufólk með veislu í farteskinu eða hvað sem hentar þér og þínum.

Við svörum óskum þínum varðandi val á matseðli og þjónustu. Gildir þá einu hvort um er að ræða viðburð í veitingahúsi okkar, á heimili þínu, á vinnustað, í veislusal eða annars staðar þar sem halda skal veislu. 

 

Sérstaða okkar:
Austur-Indíafjelagið nýtur algjörrar sérstöðu í veisluþjónustu. Við aðstoðum við skipulag, val á matseðli og hvernig hægt er að mynda alveg einstaka stemmingu svo að veislan gangi fullkomlega upp. Til að auðvelda val á matseðli í stærri veislur (25 eða fleiri) þá bjóðum við upp á smökkun á miklu úrvali rétta viðskiptavinum að kostnaðarlausu.

 

Vinsamlegast hafið samband í síma 552-1630 vegna fyrirspurna um veisluþjónustu.